பாக்தாத்:ஈராக்கில் இருந்து அமெரிக்க படையினர் முற்றிலும் வாபஸ் பெற்றதாக வாஷிங்டன் கூறிய பொழுதிலும் 8 ஆயிரம் அமெரிக்க ராணுவத்தினர் போருக்கான தயாரிப்புகளுடன் வடக்கு ஈராக்கில் குர்திஸ்தான் பகுதியில் முகாமிட்டுள்ளதாக செய்தி வெளியாகியுள்ளது.14 போர் விமானங்கள், 125 ஹெலிகாப்டர்கள், 28 ட்ரோன்கள்(ஆளில்லா விமானங்கள்) ஆகியன அமெரிக்க ராணுவத்துடன் ஈராக்கில் தற்பொழுதும் உள்ளதாக ப்ரஸ் டி.வி கூறுகிறது.
ஈராக்கில் இருந்து வாபஸ் பெற்ற ராணுவத்தை பாரசீக வளைகுடாவில் பல்வேறு நாடுகளுக்கும், குவைத்திற்கும் அனுப்பிய பிறகும் வடக்கு ஈராக்கில் 8 ஆயிரம் ராணுவ வீரர்கள் உள்ளனர்.இம்மாதம் 16-ஆம் தேதி ஈராக் ராணுவத்திடம் ராணுவ தளத்தை அமெரிக்க ராணுவம் ஒப்படைத்தபோதிலும் ஈரானில் இருந்து உருவாகும் அச்சுறுத்தலை தடுப்பதன் பேரில் குர்திஸ்தானில் அமெரிக்க ராணுவம் முகாமிட்டுள்ளது.
இதன் ஒருபகுதியாக குர்திஸ்தான் தலைநகரான அர்பிலில் அமெரிக்க தூதரக அதிகாரி ஈரான் எதிர்ப்பு குர்து தலைவர்களுடன் பேச்சுவார்த்தை நடத்தியுள்ளார்.
நன்றி தூது ஆன்லைன்
No comments:
Post a Comment