மோடிக்கு மெஹ்பூபா புகழாரம்: ஆதாரம் வெளியீடு

புதுடெல்லி:ஆயிரக்கணக்கான அப்பாவி முஸ்லிம்களை உயிரோடு கொலை செய்து, முஸ்லிம் பெண்களின் மானத்தை சீரழித்து, வயிற்றில் இருந்த சிசுவை கூட தீயில் பொசுக்கிய ஹிந்துத்துவா பயங்கரவாதிகளின் கோரத் தாண்டவத்திற்கு
தலைமையேற்ற நரேந்திர மோடியின் வளர்ச்சி என்ற மாயையில் மயங்கி அவரது அணுகுமுறையை புகழ்ந்து கஷ்மீரின் பி.டி.பி கட்சி தலைவர் மெஹ்பூபா முஃப்தி ஆற்றிய உரையின் பகுதி உள்துறை அமைச்சகத்தின் இணையதளத்தில் வெளியிடப்பட்டுள்ளது.

தேசிய ஒருமைப்பாட்டு கவுன்சில் கூட்டத்தில் மெஹ்பூபா மோடியை புகழ்ந்து பேசியதன் ஆதாரம் இந்த இணையதளத்தில் உள்ளது.

மோடியை புகழ்ந்து பேசியது பெரும் சர்ச்சையை கிளப்பியதை தொடர்ந்து மெஹ்பூபா முஃப்தி மறுப்பு தெரிவித்தார். இதனைத் தொடர்ந்து அவரது உரை உள்துறை அமைச்சகத்தின் இணயதளத்தில் வெளியிடப்பட்டுள்ளது.

பிசினஸ் விஷயம் தொடர்பாக நரேந்திர மோடியுடன் சந்திப்பை நடத்தியது குறித்து முஸ்லிம் இளைஞர் ஒருவர் தன்னிடம் தெரிவித்ததாக மெஹ்பூபா தனது உரையில் சுட்டிக்காட்டியிருந்தார். மேலும் அந்த இளைஞர், தனது கோரிக்கைக்கு மோடியிடமிருந்து விரைவான பதில் கிடைத்ததாக தெரிவித்தார் என மெஹ்பூபா கூறியிருந்தார். இத்தகைய நடவடிக்கைகள் சிறுபான்மை மக்களிடம் கூடுதல் நெருங்குவதற்கு உதவும் என மெஹ்பூபா கூறியதுதான் சர்ச்சையை கிளப்பியது.

இதற்கிடையே, பா.ஜ.கவை எதிர்க்கும் மெஹ்பூபா கூட மோடிக்கு புகழாரம் சூட்டியதை சுட்டிக்காட்டி சுஷ்மா சுவராஜ் களமிறங்கியுள்ளார். மோடியை புகழவில்லை என மறுப்பு தெரிவித்த மெஹ்பூபாவிற்கு, உள்துறை அமைச்சகத்தின் இணையத்தில் அவரது உரை வெளியிடப்பட்டதை தொடர்ந்து உண்மை வெளியாகி உள்ளது. மெஹ்பூபாவிற்கு கஷ்மீர் அரசியலில் இச்சம்பவம் பின்னடைவை ஏற்படுத்தும் என கருதப்படுகிறது.

நன்றி தூது ஆன்லைன்